ВКД: Мусодираи беш аз 50 000 дона маводи гуногуни тарфгарӣ

Душанбе,23.12.2015. (АМИТ «Ховар»). — 22-юми декабр ҳангоми гузаронидани чорабиниҳои фаврӣ-ҷустуҷӯӣ дар ҳудуди шаҳри Хуҷанд аз ҷониби кормандони милитсия сокини 21-солаи ноҳияи Ашт бо гумони муомилоти ғайриқонунии маводи тарфгарӣ дастгир шуд. Дар вақти кофтуков аз ӯ  15 400 дона маводи тарфгарии хлопушка дарёфт ва мусодира гардид. 
Дар ин рӯз ҳамчунин зимни чорабинии фаврӣ кормандони милитсия аз сокини 32-солаи шаҳри Хуҷанд 18 480 дона маводи тарфгарии намуди тренияро дарёфт ва мусодира намуданд. Ҳамин тариқ, 16 200 дона маводи тарфгарии намуди хлопушка аз сокини 20-солаи шаҳри Кӯлоб дарёфт ва мусодира гардид.
Нисбат ба далелҳои мазкур парвандаи ҷиноӣ оғоз гардида, тафтиш идома дорад.