ВКХ Чин : «Су — 24 сарозеркардаи Туркия талафоти маъракаи зиддитеррористии ҷаҳонист»

Душанбе, 23.12.15. (АМИТ «Ховар»). — Ҳавопаймои  бомбаандози  Су — 24М  Қувваҳои  ҳавоии кайҳонии ФР, ки онро  Туркия  дар  Сурия сарозер  намуд,  талафоти маъракаи  зиддитеррористии  ҷаҳонист. Намояндаи  расмии  ВКХ  Чин Хун Лэй рӯзи  сешанбе  дар  ин  бора  изҳорот  дод. 
«Сарнагун  сохтани ҳавопаймои  ҷангии Русия талафоти маъракаи  байналмилалии  зидди терроризм  аст. Мо  умедворем, ки ҳамаи  ҷонибҳои  дахлдор  метавонанд  ҳамкориро  вусъат  дода,  барои минбаъд  роҳ  надодан ба  чунин фоҷеа тадбирҳои  қатъӣ  андешанд», —  гуфт  дипломат. 
Мавсуф  изҳор  дошт, ки   ҳавопаймои  ҷангии  Русия   дар  Сурия бо  иҷозати  ҳукумати  Сурия  дар  фазои он парвоз  мекард. «Ҳавопаймо   ҳангоми  иҷрои вазифа  барои   нест  кардани  ҳадафҳои террористӣ дар  Сурия  сарнагун  сохта шуд», — изҳор  дошт намояндаи   расмии ВКХ Чин. «Шӯрои  амнияти  СММ қатънома   қабул  намуд, ки  ба  ҳамаи  кишварҳои аъзо барои  дидани  чораҳои зарурӣ ҷиҳати  мубориза бо қувваҳои  террористӣ,  аз ҷумла бо «Давлати  исломӣ» ваколат  медиҳад», —  хотирнишон  сохт  Хун Лэй.