Вохӯрӣ бо афсарону сарбозони қисми низомии 3502

Декабрь 25, 2015 12:28

Душанбе, 25.12.2015. (АМИТ «Ховар»). —  Имрӯз  бо мақсади ташаккули маърифати сиёсиву ҳуқуқии афсарону сарбозони қисми низомии 3502-и Раёсати қӯшунҳои дохилии ВКД, роҳбари дастгоҳи вазири корҳои дохилӣ Ализода Анварҷон Ҷумъа ва мушовири калони вазир Қудратулло Ғуломов ба ин қисми низомӣ рафта, бо афсарону сарбозон вохӯрӣ анҷом доданд.
Зимни вохӯрӣ, полковники милитсия Ализода Анварҷон тамоми хизматчиёни низомиро бо фарорасии Соли нави мелодӣ табрик карда, ба онҳо дар иҷрои хизмати бошарафона, яъне ҳимояи Ватан-Модар муваффақият ва комёбиҳо таманно намуд. Зикр гардид, ки бо дастгирии давлату ҳукумати кишвар шароити хизматбарӣ дар қисмҳои низомии ҷумҳурӣ сол то сол хубтару беҳтар гардида, симои афсарону сарбозон дар назди мардум ҳамчун ҳомии ҳифзу тартибот, амният ва сулҳу субот нақши муҳим дорад. Давлату ҳукумат ва мардуми кишвар ба афсарону сарбозони содиқи Ватан эътимоди калон дошта, дар навбати худ онҳоро зарур аст, ки барои ҳифзи марзу бум ва тинҷию амонӣ ҳамеша омода бошанд. 
Қудратулло Ғуломов аз дастовардҳои даврони Истиқлолият ва бо  мушкилиҳо ба даст омадани тинҷию осудагии кишвар ёдовар шуда, афсарону сарбозонро ба хизмати софдилонаю содиқона ба Ватан даъват кард. 
Дар чорабинӣ барои болида гардонидани хотири афсарону сарбозон аз ҷониби ҳунармандони ансамбли «Сипар»-и Вазорати корҳои дохилӣ барномаи консертӣ баргузор гардид.    

 

 

Декабрь 25, 2015 12:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд