Вохӯрӣ дар АНМН бо коршиноси Ҷамъияти Кушода (OSF)
Душанбе, 08.12.2015. (АМИТ «Ховар)- 8 декабр дар Агентии назорати маводи нашъаовари назди Президенти ҶТ вохӯрии директори агентӣ Рустам Назарзода бо коршиноси Барномаи глобалӣ оид ба масъалаҳои сиёсати маводи нашъаовари Ҷамъияти Кушода (OSF) Диего Гарсиа Девис баргузор гардид.
Дар вохӯрӣ масъалаҳои ташаккули шарикӣ, мубодилаи таҷриба ва ҳамкорӣ дар соҳаи мубориза бар зидди муомилоти ғайриқонунии маводи нашъаовар бо ташкилоте, ки дар соҳаи пешгирии нашъамандӣ дар мисоли таҷрибаи кишварҳои Амрикои Ҷанубӣ фаъолият мебаранд ва омӯзиши таҷрибаи ҷаҳонӣ муҳокима гардиданд.
Директори агентӣ меҳмонро бо вазъи баамаломада вобаста бо маводи нашъаовар дар Тоҷикистон шинос намуда, оид ба таҳияи “Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020” ва таҷрибаи Тоҷикистон дар гузаронидани чорабиниҳои зиддимухаддиротӣ сухан гуфт.
Роҳбари агентӣ пешниҳод намуд, ки иқтидори Ҷамъияти Кушода дар ташкили омӯзиш оид ба масъалаҳои муқовимат ба расмигардонии маблағҳое, ки аз муомилоти ғайриқонунии маводи нашъаовар ба даст омадаанд ва гузаронидани таҳқиқоти сотсиологӣ дар байни ҷавонон бо усулҳои навтарин истифода шавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






