4 шаҳрванди хориҷӣ дар натиҷаи ҳодисаҳои нохуш ҷароҳат бардоштанд

Душанбе, 16.01.2016. (АМИТ «Ховар»). — Дар натиҷаи заминларзаҳои соли 2015 дар иншооту корхонаҳои зери назорати хадамотбудаи вилояти Бадахшон ягон ҳодисаи нохуш ба қайд гирифта нашуд. Вазъи иншооти зеризаминӣ мӯътадил аст ва баъди ташхиси мушаххас муайян гардид, ки ягон иншооти зеризаминӣ ба садама дучор нашуд. Дар ин бора дирӯз зимни нишасти матбуотӣ сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати ҶТ Раҳим Санъат Асо иттилоъ дод.
Бино ба гуфтаи сардори хадамот дар иншооти Роғун 8 ҳодисаи нохуш ба қайд гирифта шуда, дар натиҷа 3 нафар ҳалок ва 6 нафар ҷароҳат бардошт. Аз инҳо ду нафар шаҳрвандони Ҷумҳурии Исломии Эрон ва ду шаҳрванди Ҷумҳурии Мардумии Чин мебошанд.
«Сабаби асосии ходисаҳои нохуш суст будани интизоми меҳнат ва назорати техникаи бехатарӣ, риоя накардани дастурамалҳои вазифавӣ, истифода набурдани камарбанди муҳофизатӣ ҳангоми кор дар баландӣ, фарсуда шудани таҷҳизот ва сари вақт аз ташхиси саноатӣ нагузаштан мебошад»,-гуфт С. Раҳим.