Ҳалокати 20 нафар бар асари таркиш дар бозори Камерун

Душанбе, 25.01.2015. (АМИТ «Ховар»). — Дар натиҷаи таркише дар бозори шаҳри Бодо, дар шимоли Камерун қариб 20 нfфар ҳалок шуд. Дар ин бора «Reuters» иттилоъ медиҳад.
Бино ба иттилои мушоҳидон, дар пушти ин таркиш ҷангиёни гурӯҳи ифротгарои «Боко ҳарам», ки мунтазам дар шимоли Камtрун чунин амалҳоро анҷом медиҳанд, меистанд.
Ёдовар мешавем, ки «Боко ҳарам» гурӯҳи ифротгароест, ки дар шимол ва шимолу шарқи Нигерия фаъолият мекунад. Ҷангиёни он дар кишварҳои ҳамсоя-Нигера, Камерун ва Чада амалҳои террористӣ анҷом медиҳанд. Ин гурӯҳи ифротгаро азм дорад, ки дар қаламрави Нигерия хилофати исломӣ таъсис диҳад.