Баргузории ҷаласаи мушовара дар ВКД

Январь 16, 2016 11:40

Душанбе, 16.01.2016. (АМИТ «Ховар»). — Имрӯз дар Вазорати корҳои дохилӣ ҷаласаи мушовараи вазорат оид ба ҷамъбасти фаъолияти мақомоти корҳои дохилӣ дар давоми соли 2015 ва вазифаҳо барои соли 2016 таҳти раёсати вазири корҳои дохилӣ Раҳимзода Рамазон Ҳамро ба кор оғоз кард. Сардорони раёсатҳо ва ҷузъу томҳои мақомоти корҳои дохилӣ камбудию проблемаҳои мушкилоти мавҷударо мавриди баррасӣ қарор доданд.
Аз ҷумла, дар самти бақайдгирӣ ва ошкор намудани ҷиноятҳо муовини сардори Сармаркази иттилотӣ-таҳлилии ВКД подполковники милитсия Рабиев А., дар самти таъйинот ва чобаҷогузории кадрҳо сардори Раёсати кадрҳо ва кор бо ҳайати шахсии ВКД полковники милитсия Раҳимзода А.А. , дар самти ошкор намудани ҷиноятҳои вазнин ва махсусан вазнин сардори Раёсати кофтукови ҷиноии ВКД полковники милитсия Исозода Н.И. ва сардори Раёсати мубориза бар зидди гардиши ғайриқонунии маводи мухаддири ВКД полковники милитсия Мирализода Р.А. оид ба ошкор намудани ҷиноятҳои марбут ба маводи нашъаовар муфассал маълумот дода, оид ба бартараф намудани камбудию норасоиҳои ҷойдошта таклифу пешниҳодҳои муфид ироа намуданд.
Раҳимзода Рамазон дар ҷаласаи мушовараи Вазорати корҳои дохилӣ оид ба натиҷаҳои фаъолияти фаврӣ-хизматии мақомоти корҳои дохилӣ дар соли 2015 ва вазифаҳо барои соли 2016 гуфт, ки мақомоти корҳои дохилӣ дар давоми соли 2015 як зумра чорабиниҳоро ба нақша гирифта, амалӣ намуданд.
Зикр гардид, ки имрӯз вазъи сиёсиву ҷамъиятии ҷаҳони муосир моро водор месозад, ки дар ҳар лаҳза барои иҷро намудани вазифаҳои муқаддаси хеш, алалхусус дар таъмин намудани амнияти давлат ва шаҳрвандон дар ҳолати омодабошии доимӣ қарор дошта бошем.
Дар самти пешгирии шомилшавии шаҳрвандон ба ҳизбу ҳаракатҳои ғайриқонунӣ ва иштироки онҳо дар низоъҳои мусаллаҳонаи кишварҳои хориҷӣ, аз қабили Сурияву Ироқ супоришҳои иловагӣ дода, таъкид гардид, ки дар якҷоягӣ бо мақомоти дахлдор тадбирҳои зарурӣ андешида шаванд.

Январь 16, 2016 11:40

Хабарҳои дигари ин бахш

Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд