Чеҳраи манфури ифротгароӣ
Душанбе, 12.01.2016. (АМИТ «Ховар»). -Дар замони муосир қувватгирии равияҳои хурофотию ифротгароӣ бо суръати баланд ҷараён дорад. Ин таҳдиди ҷиддӣ дар самти моил намудани ҷавонон ба чунин равияҳо буда, хатари ҷиддиеро дар роҳи суботу амният метавонад пеш оварад.
Ҷангии 20-солаи «Давлати исломӣ» дар шаҳри Раққаи Сурия дар назди омма модари 40-солаашро ба қатл расонд, ки сабаби он нақшаи фирор кардан аз «Давлати исломӣ» буд. Пас аз шунидани ин нақша писар модарро гўё дар бидъат айбдор мекунад.
Ин амал яке аз оқибатҳои даҳшатафкании ҳурофоту ифротгароӣ буда, ба таври фоҷиабор канда шудани риштаи ҳаёти як модар гашта, чеҳраи манфури хурофоту нодониро ба ҷомеаи ҷаҳонӣ бори дигар нишон дод.
Лозим ба ёдоварист, ки ҷангиёни ба ном «Давлати исломӣ» дар роҳи ба даст овардани мақсад ва васеъ намудани доираи фаъолияти худ раҳму шафқат ва эҳсоси инсониро аз даст додаанд. Оё ин нишонаи бадномкунии дини мубини ислом набуд, ки як нафар муъмин чунин рафторро нисбат ба модари худ, ки ўро ба воя расонидааст, раво дид? Куҷост нишонаҳои инсонӣ, куҷост рафоқат, самимият ва таҳаммулпазирие, ки дини мубини мо пайваста талқин мекунад?
Таърихи инсоният ҳодисаеро ёд надорад, ки модар тамоми ҳастии худро ба тифл бахшида, бо шири сафедаш ўро ба воя расонаду аз ҷониби фарзанди ҷигарбандаш ба қатл расонида шавад.
Ин амали нангину номардона бар зидди модар башорат аз гумроҳии мардум ва ҷаҳолату хурофот ва беқонунӣ дар як кишвари ҷангзада мебошад. Бо шунидани ин амали бераҳмонаву бешафқатӣ ва ғайриинсонӣ, ки дар як давлати исломӣ ва аз ҷониби ба ном мусулмон содир мешавад, метавон як хулоса намуд: Ифроту террор чеҳраи манфур дошта, ҳар ҷое, ки онҳо зуҳур ёбанд, ҷойи меҳру раҳму шафқат ва сабру таҳаммулро ҷаҳлу торикӣ ва ғазабу кибр фаро мегирад. Ин амали нопоки фарзанди нохалафро на танҳо ҷомеаи инсонӣ, балки Яздони пок низ намебахшад, зеро биҳишт зери қудуми модарон аст.
«Ҳар касе, ки модарро хор мекунад, хори ду дунё мешавад»
Муовини раиси Кумитаи
кор бо занон ва оилаи назди
Ҳукумати Ҷумҳурии Тоҷикистон
Давлатзода Зулфия
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
НАВРӮЗ — ҶАШНИ ҶАҲОНӢ. Ҳеҷ монеа ва қуввае онро натавонист аз байн барад
«МАТБУОТ — СИПАРИ ДАВЛАТ ВА ОИНАИ ҶОМЕА». Имрӯз ба нашри аввалин рӯзномаи тоҷикӣ 114 сол пур гардид
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
РУШДИ САЙЁҲӢ. Резервати биосферии «Ромит» ба макони писандидаи сайёҳон табдил ёфтааст
АТЛАС ВА ЧАКАН. Либоси миллӣ қисми муҳими таърих ва фарҳанги миллат аст
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
МАТБУОТ — ОИНАИ ЗИНДАГӢ. Андешаҳо бахшида ба 114-солагии Рӯзи матбуоти Тоҷикистон
ХУБ ШУД, КИ ЗАН БА ДАВЛАТ ЁР ШУД. Васфи зан — модар дар осори Мирзо Турсунзода
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
