Дар натиҷаи амалиёти поксозии артиши миллии Афғонистон 28 ҷангӣ кушта шуд

Душанбе, 29.01.2016. (АМИТ «Ховар»). — Бино ба изҳороти Вазорати мудофиаи Афғонистон, шабонарӯзи гузашта дар қисматҳои мухталифи Афғонистон амалиёти поксозӣ гузаронида шуд, ки дар натиҷа 28 ҷангӣ, аз ҷумла 3 қумандон кушта шуданд.
Дар изҳорот омадааст, ки артиши миллии Афғонистон дар 13 музофот, аз ҷумла дар Парвон, Нангарҳор, Ғазнӣ, Лоғар, Урузгон, Вардак, Қандаҳор, Зобул, Форёб, Бағлон, Қундуз, Ҷузҷон ва Бадахшон амалиёт гузаронд. Дар натиҷа 28 ҷангӣ кушта шуда, 20 тани дигар захмӣ гардиданд. Ҳамчунин 12 ҷангии дигар боздошт шуданд. Зимни амалиёт аз ҷангиён аслиҳа, лавозимоти ҷангӣ ва дастгоҳҳои таркандаи худсохт мусодира шуд.