Гумрук: Воридоти ғайриқонунии 6814 адад телефони мобилӣ

Душанбе, 26.01.2016. (АМИТ «Ховар») -Соли 2015 аз ҷониби кормандои гумрук дар натиҷаи баррасии 4902 парвандаи ҳуқуқвайронкунии маъмурӣ 4795 нафар шахсони воқеӣ, ҳуқуқӣ ва мансабдор ба ҷавобгарии маъмурӣ кашида шуда, ба маблағи 41 миллиону 163 ҳазор сомонӣ пардохтҳои гумрукӣ ва 4 миллиону 283 ҳазор сомонӣ ҷарима ситонида, ба маблағи 342 961 сомонӣ молҳо мусодира гардиданд.

Дар ин давра воридоти ғайриқонунии телефонҳои мобилӣ 6814 адад, ангиштсанг 1737 тонна, нуриҳои минералӣ — 1540 тонна, семент — 2696 тонна, маҳсулоти қаннодӣ — 39620 кг, лампаҳои тафсон — 59516 адад, меваи тар — 97628 кг, доруворӣ — 52294 дона, матоъ — 67683 метр ва дигар молҳои ниёзи мардум ошкор  шуда, ба маблағи 1 140 ҳазор сомонӣ ҷарима ва 5471,6 ҳазор сомонӣ пардохтҳои гумрукӣ ба буҷаи давлат ситонида шуданд.

Зимни  гузаронидани чорабиниҳои пешгирӣ ва назорати гумрукӣ 3 таппонча, 3 яроқи шикорӣ, 1  норинҷакандоз, 2  норинҷак, 6 тирдон бо 175 дона тир ошкор ва мусодира  шуд.