Хатлон: ба буҷет 745 миллион сомонӣ ворид шуд, ки нисбат ба нақша 39 миллион сомонӣ зиёд аст

Кӯлоб, 12.01.2016. ( АМИТ «Ховар»)-Раиси вилояти Хатлон Давлатшо Гулмаҳмадзода зимни нишасти матбуотӣ бо иштироки васеи ВАО доир ба натиҷаи дастовардҳои яксолаи иқтисодӣ ва ичтимоии вилоят зикр кард, ки дар ин давра иҷрои нақшаи қисми хароҷотии буҷети вилоят 98 % таъмин гардида, ба ташкилоту муассисаҳои буҷетӣ 1,2 миллиард сомонӣ маблағгузорӣ шуд.
Аз ҷумла, ба соҳаи мориф 644,2 миллион сомонӣ, тандурустӣ 276,1 миллион сомонӣ, ҳифзи иҷтимоӣ 10,7 миллион сомонӣ, коммуналӣ 38 миллион сомонӣ, варзиш 2,6 миллион сомонӣ, фарҳанг 31,9 миллион сомонӣ, нақлиёт ва коммуникатсия 12,9 миллион сомонӣ равона гардид. Зикр шуд, ки иҷрои нақшаи андозҳо дар соли 2015-ум 105,4 % таъмин гардида, ба буҷет 745 миллион сомонӣ ворид шуд, ки нисбат ба нақшаи тасдиқшуда 39 миллион сомонӣ ва нисбат ба соли 2014-ум 97 миллион сомонӣ зиёд мебошад.