«Хуҷандобуканал»: 15 млн. 186 ҳазор сомонӣ маблағ ҷамъоварӣ шуд

Хуҷанд,08.01.2016. (АМИТ «Ховар»). -КВДК «Хуҷандобуканал» барои таъмини самараноки оби нўшокӣ ва аз тарафи аҳолӣ, корхонаҳои худмаблағгузор, ташкилоти буҷавӣ ва коммуналӣ ҷамъоварии саривақтии маблағҳои истифодашуда, васли ҳисобкунакҳо, бартараф намудани сарфи аз меъёр зиёд тадбирҳои зарурӣ андешида, соли 2015-умро бо нишондиҳандаҳои назаррас ҷамъбаст кард.
Бино ба иттилои директори Корхонаи воҳиди давлатии коммуналии «Хуҷандобуканал» Ёқубҷон Бобоҷонов дар тўли 11 моҳи соли 2015 «Хуҷандобуканал» ба миқдори 8713,3 ҳазор метри мукааб оби нўшокӣ фурўхта, 4552,7 ҳазор метри мукааб партовобро қабул кардааст, ки ҳамагӣ ба маблағи 15188,6 ҳазор сомонӣ хизмат расонида, 15 186 ҳазор сомонӣ бо назардошти ҳисоббаробаркунӣ маблағ ҷамъоварӣ шудааст.