КМТ:150 нусха китоб дар ҳаҷми 90 020 саҳифа нусхабардорӣ шуд

Душанбе, 16.01.2016. (АМИТ «Ховар»).- Дар давраи ҳисоботӣ аз тарафи кормандони шуъбаи автоматикунонии КМТ ва раванди китобдорӣ-иттилоотӣ 150 нусха китоб дар ҳаҷми зи1да аз 90 ҳазор саҳифа нусхабардорӣ шуда, мавриди коркард қарор гирифт ва ба формати pdf баргардонида шуд. Китобҳои омодашуда ба сервери ftp, ки фонди китобҳои электронии китобхона аст, ҷойгир шуданд. Инчунин маводи электронӣ -90 диск бо забони тоҷикӣ ва 100 диск бо забони русӣ, ҷамъ ба миқдорӣ 2500 китоб феҳристбандӣ шуда, нусхаҳои электрониашон ба сервери ftp ҷойгир карда шуданд. Шакли нави штрих-кодҳо дар ду нусха барои ворид намудани мавод ба барномаи Алеф муқаррар гардид ва ба миқдори 15 ҳазору 0571 дона ба чоп расонида ба истифода дода шуд. 5500 нусха китоби электронӣ ба заминаи маълумотӣ ва махзании китобхонаи электронии Китобхонаи миллӣ ворид шуда, ба 500 нусаи он феҳристи электронӣ баста шуд.