Конфронси «Таъсири омилҳои экологӣ, иқтисодӣ ва иҷтимоӣ дар рушду устувории хоҷагии қишлоқ» дар ДМИТ
Душанбе, 29.01.2016. (АМИТ «Ховар»).- 28-уми январи соли ҷорӣ дар Донишкадаи молия ва иқтисоди Тоҷикистон дар мавзўи «Таъсири омилҳои экологӣ, иқтисодӣ ва иҷтимоӣ дар рушду устувории хоҷагии қишлоқ» конфронси илмӣ-назариявӣ доир гардид.
Дар кори он олимону коршиносони соҳаи кишоварзӣ ва намояндагони Вазорати молияи Ҷумҳурии Тоҷикистон иштирок доштанд. Зимни ҷаласа ноиби ректор оид ба илм Ғиёсиддин Ашуров иброз намуд, ки мавзӯи баррасишавандаи конфронс фарогири Паёми Президенти кишвар Эмомалӣ Раҳмон мебошад.
Таваккал Ҷабборов, дотсенти ДАТ ба номи Ш.Шотемур дар мавзўи «Ҳолат ва дастовардҳои соҳаҳои растанипарварӣ дар рушди иқтисодиёти Ҷумҳурии Тоҷикистон», Аҳмад Ҳайитов, профессори кафедраи фанҳои табиатшиносии ДМИТ дар мавзўи «Ҳолат ва дастовардҳои соҳаи чорводорӣ дар рушди иқтисодиёти Ҷумҳурии Тоҷикистон» ва Ҳасан Асоев, коршиноси масоили экологӣ дар мавзўи «Таъсири омилҳои экологӣ, иқтисодӣ ва иҷтимоӣ дар рушду устувории хоҷагии қишлоқ» маърӯза намуданд.
Ёдовар мешавем, ки конфронси мазкур бо ибтикори Раёсати илм ва инноватсияи донишкада ва кафедраи фанҳои табиатшиносӣ доир гардид.