Кумакрасонӣ ба тарбиятгирандагони Мактаб-интернати ноҳияи Спитамен

Душанбе, 05.01.2016. (АМИТ «Ховар»).- Кормандони ВКД дар арафаи иду ҷашнҳо дар баробари иҷрои уҳдадориҳои хизматӣ, кӯшиш мекунанд бо расонидани кумаку дастгириҳо руҳияи идонаи табақаи ниёзмандро баланд бардоранд.
Ҳафтаи равон кормандони ШВКД дар ноҳияи Спитамен бо дастовезҳои идона ба Мактаб-интернати ноҳиявӣ рафтанд. Армуғони идона аз либосҳои зимистона ва шириниҳо иборат буд, ки онро сардори ШВКД дар ноҳияи Спитамен подполковники милитсия Шамсиддин Зуҳурзода ба 32 тарбиятгирандаи Мактаб-интернат тақдим намуд.
Ҳамчунин бо мақсади ёдоварӣ аз ҳамсафоне, ки ҳангоми иҷрои уҳдадориҳои хизматӣ фавтидаанд ва поси хотири онҳо кормандони милитсияи ноҳияи Спитамен бо кумакҳои моддӣ, иборат аз орду равған, биринҷу макарон, сабзавоту полезӣ ва дигар маҳсулоти ғизоӣ ба хонаҳои собиқ ҳамкасбони худ рафта, оилаҳои бесаробонмондаи онҳоро аёдат намуданд. Аз чунин кумакҳои якдафъаина 6 оила бархурдор гардид.