Мусодираи 800 грамм маводи нашъадори бангдона
Душанбе, 20.01.2016. (АМИТ «Ховар»)-19-уми январи соли равон ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия ду сокини шаҳри Кӯлоб: марди 30-сола, ки пеш бо моддаи 201 қисми 2 Кодекси ҷиноятии Ҷумҳурии Тоҷикистон суд шудааст ва шарики ҷиноии ӯ марди 24-сола, бо гумони даст доштан дар гардиши ғайриқонунии маводи мухаддир дастгир шуданд.
Зимни кофтукови шахсӣ аз онҳо 800 грамм маводи нашъадори бангдона дарёфт ва мусодира гардид.
Ҳамчунин дар ин рӯз дар шаҳри Душанбе ҳангоми гузаронидани чорабиниҳои фаврӣ-ҷустуҷӯӣ кормандони милитсия шаҳрвандон: марди 44-солаи ноҳияи Фархор ва марди 39-солаи шаҳри Душанберо, ки пеш бо моддаи 228 Кодекси ҷиноятии Федератсияи Русия суд шудаанд, дастгир намуданд. Дар вақти кофтукови шахсӣ аз гумонбаршудагон 4 килою 20 грамм маводи нашъадори ҳашиш дарёфт ва мусодира шуд.
Дар ҳудуди ноҳияи Рашт, ҳангоми аз назаргузаронии бинои нигоҳдории воситаи нақлиётии сокини 59-солаи ҳамин ноҳия 620 грамм маводи нашъадори кӯкнори хушконидашуда дарёфт ва мусодира гардид. Дар вақти гузаронидани чорабиниҳои фаврӣ-ҷустуҷӯӣ муайян шуд, ки маводи нашъадори мазкур ба сокини 32-солаи ноҳияи Рашт тааллуқ дорад.
Нисбат ба далелҳои мазкур парвандаҳои ҷиноятӣ оғоз шуда, тафтиш дар ин самт идома дорад.
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
