Р. Раҳимзода: Ҳадафи баргузории машқҳо санҷиши ҳолати омодабошист
Душанбе, 27.01.2016. (АМИТ «Ховар») -Зимни нишасти матбуотӣ оид ба натиҷаҳои фаъолияти Вазорати корҳои дохилӣ дар давоми соли 2015 Фахриддини Холбек, хабарнигори ҳафтаномаи «Нигоҳ» ба вазири корҳои дохилӣ Раҳимзода Рамазон Ҳамро чунин саволҳо дод:
— Мақсади гузаронидани машқҳои рӯзи якшанбе аз ҷониби мақомот дар чӣ буд?
-Тибқи баъзе овозаҳо гӯё 11 нафар кормандони хадамоти таъйиноти махсуси амният ба самти номаълум фирор кардаанд.
-Дар ноҳияи Ҳисор 3 корманди милитсияро ба қатл расонидаанд.
-Ба минтақаи Кӯлоб толибон ворид гардидаанд ва гузаронидани машқҳои рӯзи якшанбе ба ин овозаҳо рабт доранд ё не?
Ба ин саволҳо вазири корҳои дохилии мамлакат чунин ҷавоб дод:
— Гузаронидани машқҳои рӯзи якшанбе ба ин овозаҳо ягон иртибот надорад ва ягон корманди воҳидоти махсус фирор накарда, дигар ҳодиса ҳам сар назадааст. Ин овозаҳо нодуруст буда, ягон асоси воқеӣ надошта, аз ҳақиқат дуранд. Бо назардошти вазъияти мураккаби ҷаҳонӣ, хатару таҳдидҳои замони муосир, мубориза бар зидди тероризму экстремизм ва дигар намуди зуҳуроти номатлуб тамоми давлатҳои дунё барои осоиштагӣ ва суботи ҷомеа дар кишварҳои худ тадбирҳои дахлдор меандешанд.
Ҷумҳурии Тоҷикистон низ ҳамчун як қисми ҷудонашавандаи ҷомеаи ҷаҳонӣ ба ин таҳдиду хатарҳои муосир бетараф буда наметавонад. Бинобар ин, мақсади баргузории машқҳои рӯзи якшанбе аз санҷиши ҳолати омодабошии ҳайати шахсии мақомоти корҳои дохилӣ дар якҷоягӣ бо дигар мақомоти ҳифзи ҳуқуқ оид ба таъмини бехатарии шаҳрвандон иборат буда, ягон ҷойи хавотирӣ ва нигаронӣ надорад.
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
