Роғун: Рушди соҳаи кишоварзӣ дар соли сипаришуда

Роғун, 12.01.2016.(АМИТ «Ховар»).- Зимни нишасти матбуотӣ дар шаҳри Роғун раиси шаҳр Ш. Шарифзода оид ба натиҷаҳои тамоми соҳаҳои шаҳр  сухан гуфт. Вай  афзуд, ки дар соли рафта кишоварзони шаҳр ба натиҷаҳои назаррас ноил гардиданд. Хоҷагиҳои кишоварзии шаҳр ҳамагӣ дар майдони 24З7 гектар кишт гузарониданд, ки аз он 1842 гектарро гандум, ҷав, нахӯд, 5З гектарро зағир, 1З5 гектарро сабзавот,  186 гектарро картошка ва 221 гектарро хӯроки чорво ташкил мекард. Дар хоҷагиҳои деҳқонӣ дар майдони 6З гектар боғҳои нав бунёд гардиданд, ки аз ин 15 гектараш дарахтони мевадиҳандаи зардолу, 14 гектар себ, 6,5 гектар нок, 4 гектар гелос, 6,5 гектар олуча,З гектар чормағз ва 14 гектар дигар намуди дарахтонро дар бар мегирад. Инчунин дар майдони 20 гектар боғҳои куҳна аз нав барқарор  шуданд.