9,5 кило маводи мухаддир дар Панҷакент дарёфт ва мусодира шуд

Душанбе, 07.02.2016 (АМИТ «Ховар») – Дар натиҷаи гузаронидани амалиёти фаврӣ-ҷустуҷўӣ аз тарафи кормандони КДАМ дар вилояти Суғд аз манзили истиқоматии сокини ноҳияи Панҷакент «Т.У.» маводи мухаддири навъи «ҳашиш» дар ҳаҷми 9,5 кило дарёфт ва мусодира гардид. Дар ин бора аз Маркази робитаҳои ҷамъиятии КДАМ ба АМИТ «Ховар» иттилоъ дода, қайд карда шуд, ки: «сокини н.Панҷакент «Т.У» тибқи маслиҳати пешакӣ бо шаҳрвандон «Б.А.К» ва «Б.Ғ.Р» — сокинони ҷамоати Саразми ноҳияи Панҷакент ба ивази маблағи муайян ин миқдор маводи мухаддирро тавассути деҳаи Чепӣ, н. Ургути Ҷумҳурии Ўзбекистон ба қоҷокчиёни ин кишвар бояд месупориданд». Дар натиҷаи амалӣ кардани чорабинии махсуси фаврӣ пеши роҳи ин ҷинояти вазнин гирифта шуд. Ҳоло нисбат ба шаҳрвандон «Б.Ф», «Б.Ғ» ва «Т.У» бо дастрасии моддаҳои 32, 289 ва 200 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз шуда, тафтишоти пешакӣ идома дорад.