Ҷаласаи Кумитаи рушди маҳал оид ба «Тағйиру иловаҳо ба Конститутсияи (Сарқонуни) Ҷумҳурии Тоҷикистон
Душанбе, 23.02.2016. (АМИТ «Ховар»).- 22 феврал дар Кумитаи рушди маҳали назди Президенти Ҷумҳурии Тоҷикистон ҷаласаи васеи кории назди раиси кумита баргузор шуд.
Дар ҷаласа масъалаи асосӣ- муҳокимаи пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон оид ба «Тағйиру иловаҳо ба Конститутсияи (Сарқонуни) Ҷумҳурии Тоҷикистон» баррасӣ гардид.
Раиси кумита Қосим Роҳбар гуфт, ки қарори Маҷлиси намояндагони Маҷлиси Олии Ҷумҳурии Тоҷикистон оид ба «Тағйиру иловаҳо ба Конститутсияи (Сарқонуни) Ҷумҳурии Тоҷикистон» аз 10 феврали соли 2016 аз тарафи Раиси Маҷлиси намояндагони Маҷлиси Олии Ҷумҳурии Тоҷикистон ба тасвиб расидааст, ки дар доираи ин чорабинӣ вакилони Маҷлиси намояндагон, олимони Академияи илмҳои Ҷумҳурии Тоҷикистон дар минтақаҳо корҳои фаҳмондадиҳиро мебаранд.
Сардори шуъбаи таъминоти ҳуқуқ ва назорати кумита Н. Махсудов оид ба пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон дар бораи «Тағйиру иловаҳо ба Конститутсияи (Сарқонуни) Ҷумҳурии Тоҷикистон» сухан гуфта, зарурати аз 100 модда ба 38 моддаи амалкунандаи Конститутсияи (Сарқонуни) Ҷумҳурии Тоҷикистон ворид гардидани ҳамагӣ 63 тағйиру иловаҳоро асоснок кард, ки дар ҷараёни раъйпурсии умумихалқӣ пешбинӣ шудааст.
Раиси кумита Қосим Роҳбар аз иштироккунандагони маҷлис даъват намуд, ки ворид гардидани тағйиру иловаҳоро якдилона дастгирӣ кунанд ва дар раъйпурсии умумихалқӣ, ки 22 майи соли 2016 доир мегардад, фаъолона иштирок намоянд. Дар фарҷом Қосим Роҳбар ба муносибати 23 -юмин солгарди таъсиси Қувваҳои Мусаллаҳи Ҷумҳурии Тоҷикистон ҳамаи кормандони кумитаро самимона табрик гуфта, ба ҳар яки онҳо дар ҷодаи амнияту оромии давлати соҳибистиқлоламон сиҳатмандиву хушбахтӣ ва сарбаландиву барори кор орзу намуд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
