Ҳалли мушкилоти минтақаҳои наздисарҳадӣ

Февраль 9, 2016 10:20

Душанбе, 09.02.2016. (АМИТ «Ховар»).-Ҳайати гурӯҳи кории байниидоравӣ бо аҳолии шаҳру ноҳияҳои Шаҳритус, Исфара, Б.Ғафуров, Хоруғ, Шуғнон, Рашт, Фархор, Мӯъминобод ва Шӯробод дар таърихи вобаста ба масъалаҳои сулҳоварӣ, пешгирии низоъҳои обӣ, сарҳадӣ, гардиши ғайриқонунии силоҳи оташфишон, андешидани тадбирҳои фаврӣ дар ҳолати рух додани ҳолатҳои фавқулодда ва офатҳои табиӣ, истифодаи неруи занон дар масъалаи муқовимат ба паҳншавии ҳаракату равияҳои экстремистӣ ва иштирок дар равандҳои сулҳоварӣ машварат доир намуданд.
Дар ҷаласаҳо кормандони шуъба ва бахшҳои кор бо занон ва оила, ҷавонон, варзиш ва сайёҳӣ, оид ба корҳои дин, маориф, тандурустӣ ва сохторҳои қудратии мақомоти иҷроияи ҳокимияти давлатии шаҳру ноҳияҳо, собиқадорон, занони фаъол, аъзои шӯроҳои занон, раисон ва муовинони раисони ҷамоатҳо, раисони маҳалаҳо, намояндагони ҷомеаи шаҳрвандӣ ширкат намуда, масъалаҳои муҳокимашавандаро баррасӣ намуда, таклифу пешниҳоди худро оид ба масоили мазкур иброз доштанд.
Аз ҷумла, ташкили гурӯҳҳои корӣ аз ҳисоби кормандони мақомоти маҳаллии ҳокимияти давлатӣ, мақомоти қудратӣ, кор бо занон, ҷавонон, маориф, тандурустӣ, собиқадорони меҳнат, занони фаъол барои баланд бардоштани савияи дониш ва ҳушёрии сиёсии аҳолӣ барои анҷом додани вохӯриҳои судманд бо аҳолӣ, ташкили гурӯҳҳои зудамал аз ҳисоби фаъолони шаҳру ноҳия, намояндагон аз соҳаи тандурустӣ ва маориф, ҷавонон, ҷомеаи шаҳрвандӣ, дастрасии маводи таблиғотӣ бо нишон додани рақамҳои телефон барои тамос ҳангоми муайян шудани ҳолатҳои номатлуб ва ё сар задани низоъ, ташкили бозорҳои наздисарҳадӣ ва марказҳои савдои ниёзи мардум, чорабиниҳои муштараки фарҳангӣ, варзишӣ, ташкили мубодилаи таҷриба байни занон дар соҳаи иқтисод ва кишоварзӣ ҳамчун таҷрибаи дурусти мустаҳкам намудани дӯстии халқҳои ноҳияҳои ҳамсарҳад, ҷоннок намудани корҳои фаҳмондадиҳӣ оид ба пойдору устувор нигоҳ доштани оилаҳо, пешгирии зӯроварӣ дар оила, пешгирии бемориҳои мухталиф, аз ҷумла, бемории ВНМО, ташхиси ҳатмии муҳоҷирони меҳнатӣ ва дигар масъалаҳои ҳалталаб таклифу пешниҳод гардиданд.

Февраль 9, 2016 10:20

Хабарҳои дигари ин бахш

Дар партави ҳидоятҳои Пешвои миллат ба «Маркази дастгирии оила ва кӯдаки №1»-и шаҳри Душанбе кумак расонида шуд
Дар Донишгоҳи давлатии Кӯлоб маҳфили «Парвози шоҳин» фаъолият менамояд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон дар назар аст
Дар Суди шаҳри Душанбе Рӯзи Модарро бошукуҳ ҷашн гирифтанд
Имрӯз дар Тоҷикистон ҳавои тағйирёбанда пешгӯӣ мешавад
Оид ба системаи мониторинги обии радиоактивӣ ва металлҳои вазнин дар Осиёи Марказӣ вохӯрии машваратӣ доир шуд
Имрӯз дар баъзе ноҳияҳои Тоҷикистон бориши борону барф дар назар аст
Дар партави ҳидоятҳои Пешвои миллат дар шаҳри Душанбе ба оилаҳои ниёзманд кумак расонида шуд
Имрӯз дар Тоҷикистон ҳавои тағйирёбанда дар назар аст
Дар Донишгоҳи техникии Тоҷикистон оид ба обҳои партов ва нӯшокӣ тренинги омӯзишӣ доир гардид
Дар Донишкадаи тарбияи ҷисмонии Тоҷикистон дар арафаи Рӯзи Модар занону духтарони фаъол ҳавасманд гардонида шуданд