Ба роҳ мондани дарсҳо дар Хадамоти муҳоҷират

Душанбе, 20.02.2016 (АМИТ «Ховар»).- Ҳамарӯза дар Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар шаҳри Душанбе оид ба талаботи нави қонунгузории муҳоҷират дар Федератсияи Русия дарсҳо баргузор гардида, бо муроҷиаткунандагон дарсҳои назариявӣ гузаронида мешавад ва ба онҳо қоидаҳои будубош ва тартиби гирифтани патент фаҳмонида мешавад.

Ҳамчунин дар он доир ба пешгирии омилҳои номатлуби ифротгароёна миёни ҷавонон, эҳтиром ба арзишҳои миллӣ, тақвияти маърифати муҳоҷирони меҳнатӣ иттилооти мукаммал дода мешавад.