Баргузории ҷаласаи ҳисоботи кумитаи иттифоқи касаба

Душанбе, 18.02.2016 (АМИТ «Ховар»). — 17-уми феврали соли равон маҷлиси солонаи Кумитаи иттифоқи касабаи кормандони дастгоҳи марказии Вазорати меҳнат, муҳоҷират ва шуғли аҳолии Ҷумҳурии Тоҷикистон баргузор гардид. Баъд аз манзури ҳисобот аз ҷониби шахсони масъул ва муҳокимаи масъалаҳои рўзнома, доир ба онҳо қарорҳои дахлдор қабул шуданд.
Аъзои кумита аз ҳисоби кормандони дастгоҳи марказӣ ва ҳайати хизматрасони он, Муассисаи давлатии «Раёсати сохтмони асосӣ ва корҳои таъмирӣ», КВД — ҳои рўзномаи «Шуғл ва муҳоҷират» ва «Матбаа» ташкил ёфта, дар баргузории ҷашну маросим, расонидани кумаки молиявӣ ҳангоми беморӣ ва баргузории чорабиниҳои варзишиву фарҳангӣ дар рўзҳои идҳои миллӣ ва монанди инҳо саҳми назаррас мегузорад.