Дар «Соли фарди солим» 70 иншооти соҳаи тандурустӣ таъмиру навсозӣ мешавад

Хуҷанд, 01.02.2016 (АМИТ «Ховар»).-Дар «Соли фарди солим», ки аз ҷониби раиси вилояти Суғд Абдураҳмон Қодирӣ эълон гардидааст ва ҳадафи он беҳтар намудани шароити хизматрасонии тиббӣ ба мардум ва нигаҳдошти солимии ҷомеа мебошад, сохтмони 23 иншооти нав ва таъмиру навсозии 57 муассисаи соҳа ба нақша гирифта шудааст.
Дар маҷмӯъ, маблағгузории соҳа соли равон ба 370 миллион сомонӣ расонида шуд. Аз ҷумла, барои сохтмони иншооти нав 6,6 миллион сомонӣ, барои таъмири муассисаҳои табобатӣ 21,1 миллион сомонӣ, барои харидории нақлиёти ёрии таъҷилӣ 1,2 миллион сомонӣ, доруворӣ беш аз 13 миллион сомонӣ ва харидории таҷҳизоти замонавии ташхису табобат 7 миллион сомонӣ пешбинӣ шудааст, ки назар ба соли гузашта се баробар зиёд мебошад.