Гурезаи афғон ба Тоҷикистон 70 кило маводи мухаддир интиқол додааст

Февраль 12, 2016 09:07

Душанбе, 12.02.2016 (АМИТ «Ховар») -«Мақомоти ҳифзи ҳуқуқи Тоҷикистон ҳар сол аз муомилоти ғайриқонунӣ ҳазорҳо килограмм маводи нашъадорро дарёфт ва мусодира карда, амалан ҳамчун сипар дар роҳи паҳншавии минбаъдаи маводи мухаддир ба ҳудуди кишварҳои Осиёи Марказӣ, Федератсияи Русия ва Иттиҳоди Аврупо хизмат менамоянд», — омадааст дар хабари Маркази робитаҳои ҷамъиятии Кумитаи давлатии амниятии миллии кишвар дар хусуси бо маводи мухаддир дар ҳаҷми ниҳоят калон дастгир шудани гурӯҳи муташаккили нашъаҷаллоби фаромиллӣ.
Дар натиҷаи тафтиши пешакӣ муайян гардидааст, ки шаҳрванди ҶИА «Ш.М.» (аз соли 1997 дар Тоҷикистон ҳамчун гуреза бо аҳли оилааш истиқомат мекунад), бо шаҳрванди Тоҷикистон «Ҷ.А.» — сокини муваққатии Душанбе ва дигарон барои аз Афғонистон ба Тоҷикистон интиқол додани маводи мухаддир созиши ҷиноятӣ бастаанд. Дар ин амали ҷиноятӣ ба «Ш.М.» ва «Ҷ.А.» қочоқбари афғон бо номи Шоиста кумак намудааст. Гурӯҳи мазкур бо роҳи қочоқ 113 бастаи махсус — зиёда аз 70 кило маводи мухаддирро ғайриқонунӣ, бо истифода аз мавзеи сарҳадии Сайроб аз хориҷи кишвар ба ҳудуди Тоҷикистон гузаронид.
«Ҷ.А.» баъд аз гирифтани ин миқдор маводи мухаддир 23 бастаи онро ба воситаи мошини гурезаи афғон «Ш.М.» ва нафари ҳамроҳаш бо номи Ҷамшед ба шаҳри Душанбе интиқол доданд. 9-уми феврали соли равон кормандони КДАМ шаҳрванди Тоҷикистон “Ҷ.А.” ва шаҳрванди Афғонистон “Ш.М.”-ро дастгир карда, ҳангоми азназаргузаронии воситаи нақлиёт, аз дохили пинҳонгоҳи махсус 23 бастаи полиэтилениро ошкор ва мусодира карданд. Хулосаи ташхиси махсус муайян кард, ки дар бастаҳо 22 кило воситаҳои нашъадори ҳашиш ва чарс будааст.
Зимни идомаи чорабиниҳои иловагии фаврӣ-ҷустуҷӯӣ, кормандони мақомоти амнияти миллӣ аз дохили як махфигоҳ, воқеъ дар деҳаи Сайроби ноҳияи Ҳамадонӣ боз 90 бастаи махсусро бо 50 килограмм маводи мухаддир дарёфту мусодира намуданд. Вазни умумии воситаҳои нашъадори мусодирашудаи ҳашиш ва чарс, ки ба боздоштшудагон “Ш.М.” ва “Ҷ.А.” тааллуқ доштанд, дар маҷмуъ 72 килоро ташкил дод.
Ҳоло нисбат ба боздоштшудагон парвандаи ҷиноятӣ оғоз шуда, тафтиши пешакӣ ҷараён дорад.

Февраль 12, 2016 09:07

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст