Хадамоти муҳоҷират: Баргузории чорабинӣ бахшида ба Рӯзи Қувваҳои Мусаллаҳ

Душанбе, 23.02.2016 (АМИТ «Ховар»).-Дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон чорабинии идона бахшида ба 23-юмин солгарди таъсиси Қувваҳои Мусаллаҳи Ҷумҳурии Тоҷикистон баргузор гардид. Сардори Хадамоти муҳоҷират Тоҳир Каримзода ҳозиринро бо ин ҷашни пуршукўҳ табрик гуфта, зикр намуд, ки мардуми Тоҷикистон масъулияти ҳифзи манфиатҳои миллӣ, таҳкими минбаъдаи пояҳои давлатдорӣ, таъмини амнияту осоиши кишвар ва ободиву пешрафти мамлакатро ба зиммаи Қувваҳои Мусаллаҳ вогузор намуда, дар симои хизматчиёни ҳарбии кишвар фарзандони бонангу номус ва далеру шуҷои худро мебинад, ки ба савганди ҳарбӣ ва Ватани худ ҳамеша вафодор ҳастанд.
Иштирокдорони чорабинӣ дар марҳалаи торафт вусъат пайдо кардани бархурди қудратҳои ҷаҳонӣ ҳимояи манфиатҳои милливу давлатӣ, ҳифзи суботу оромии ҷомеа, таҳкими ваҳдати миллӣ ва дар ин замина фароҳам овардани шароити мусоид барои торафт беҳтар гардонидани сатҳу сифати зиндагии аҳолиро вазифаи аввалиндараҷаи ҳамаи рукнҳои ҳокимияти давлатӣ, аз ҷумла ҳайати шахсии Қувваҳои Мусаллаҳ дониста, дар ин рӯзи барояшон хотирмон дар ҷодаи ҳимояи амнияту оромии давлати соҳибистиқлоламон сиҳатмандиву хушбахтӣ ва сарбаландиву барори кор орзу намуданд.