Ифтитоҳи намояндагии ВҲИ дар Русия

Душанбе, 08.02.2016.(АМИТ “Ховар”).- Бо мақсади тақвияти ҳифзи ҳимояи ҳуқуқи муҳоҷирони меҳнатӣ ва дигар шаҳрвандони кишвар дар давлатҳои хориҷӣ, хусусан дар Федератсия Русия дар вилояти Свердлови ин кишвар намояндагии Ваколатдор оид ба ҳуқуқи инсон дар Ҷумҳурии Тоҷикистон созмон дода шудааст, ки он ба таври пилотӣ фаъолият дорад.
Зариф Ализода -Ваколатдор оид ба ҳуқуқи инсон дар Ҷумҳурии Тоҷикистон 8 феврал дар ҷараёни нишасти матбуотӣ бо дахли ҳамкории мақомоти Ваколатдор оид ба ҳуқуқи инсон дар Ҷумҳурии Тоҷикистон ибрози назар намуда, гуфт, ки мақомоти Ваколатдор оид ба ҳуқуқи инсон дар Ҷумҳурии Тоҷикистон ҳамкорияшро бо дигар шарикони хориҷӣ таҳким мебахшад.
Мақомоти Ваколатдор оид ба ҳуқуқи инсон дар Ҷумҳурии Тоҷикистон Ваколатдорони ҳуқуқи инсони Русия Қазоқистон, омбудсменҳои Полша, Финляндия, Норвегия, Қирғизистон, инчунин созмону ташкилоти байналмилалӣ ва миллӣ, назири Барномаи Рушди Созмони Милали Муттаҳид, ЮНИСЕФ, Созмони амният ва ҳамкорӣ дар Аврупо, Иттиҳоди Аврупо, Агентии швейтсарии ҳамкорӣ ва рушд, ҲЕЛВЕТАС, ниҳоди даниягӣ оид ба ҳуқуқи инсон ба роҳ монда густариш медиҳад.