Ноҳияи Ҳамадонӣ: Соли 2015 шароити мактабҳо беҳтар гардид

Душанбе, 04.02.2016. (АМИТ «Ховар»). — — Дар соли 2015 дар ноҳияи Ҳамадонӣ бо мақсади беҳтар кардани шароити мактабҳо ва дар ин замина баланд бардоштани сифати таълиму тарбия, барои таъмири муассисаҳои таълимӣ аз ҳисоби буҷети маҳаллӣ 1 миллиону 810 ҳазор сомонӣ ҷудо шуда, сохтмони 10 синфхонаи иловагӣ ва бинои нави шуъбаи маорифи ноҳия ба анҷом расида, барои истифода омода гардиданд, — иттилоъ дод Абдуқодир Вализода, раиси ноҳия зимни нишасти матбуотӣ ба хабарнигорон.
— Ҳоло сохтмони муассисаи таълимии №43, бинои муассисаи нотамом дар деҳаи Пушкин барои 624 хонанда, 6 синфхона дар назди муассисаи таҳсилоти ибтидоии №39 ва сохтмони дигар муассисаҳои таълимӣ босуръат идома дорад, зикр намуд Абдуқодир Вализода.