Назарсанҷӣ: Дар ҳолати эҳсоси хатар ба Тоҷикистон чӣ хоҳед кард?
Душанбе, 11.02.2016 (АМИТ «Ховар») – Имсол аз таъсиси Артиши миллӣ – Қувваҳои мусаллаҳи Ҷумҳурии Тоҷикистон 23 сол пур мешавад. 23-юми феврали соли 1993 дар майдони марказии пойтахти мамлакат шаҳри Душанбе гузашти ҳарбии дастаҳои ҷангии собиқ Фронти халқӣ баргузор гардид ва аз ҳамон рӯз нахустин қадамҳои қатъӣ дар ҷодаи таъсис додани Артиши миллӣ гузошта шуд. Таъсиси Артиши миллӣ ба рӯзҳое рост омад, ки дар кишвар оташи ҷанги таҳмилӣ аланга мезад, душманону бадхоҳон дар талоши пора-пора кардани Тоҷикистон буданд, бетартибӣ ва ҷинояткорӣ аз тарафи силоҳбадастон авҷ гирифта буд. Мушкилии асосӣ ин буд, ки ба Тоҷикистон аз артиши пуриқтидори Иттифоқи Шӯравӣ чизе ба мерос намонда буд. Бо вуҷуди ин ҳама маҳрумияту мушкилиҳо, ҷангҳову муқовиматҳои шадиди мусаллаҳона Артиши миллии Тоҷикистон қадам ба қадам, давра ба давра, тадриҷан ва бо иродаву азми қавӣ – аз миёни хуну оташ гузашта, қомат рост кард, муҷаҳҳазу мусаллаҳ гардид. Ҳоло Артиши миллии Тоҷикистонро коршиносони соҳа ҳамчун артиши обутобёфта, ҷангдида, бошуҷоат ва боэътимод дар минтақаи Осиёи Марказӣ қабул доранд.
Рисолати Артиши миллӣ – Қувваҳои Мусаллаҳи Ҷумҳурии Тоҷикистон ҳифзи истиқлолият ва тамомияти арзӣ дар ҳолати ҷанг муқаррар шудааст.
Хабаргузории «Ховар» бахшида ба солгарди таъсисёбии Артиши миллӣ миёни хонандагони худ назарсанҷӣ мекунад: Шумо дар ҳолати эҳсоси хатар ба истиқлолияту амнияти Тоҷикистон ба Артиши миллӣ чӣ гуна кумак мерасонед?
1. Ихтиёран ба сафи қувваҳои мусаллаҳ мепайвандам
2. Фарзанди худро ба сафи қувваҳои мусаллаҳ мефиристам
3. Барои таъминоти қувваҳои мусаллаҳ дороии худро дареғ намедорам
4. Бигузор артиши миллӣ худ вазифаҳояшро иҷро кунад
Дар назарпурсӣ иштирок намоед (ниг. ба гӯшаи Назарпурсӣ).
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
Бахшида ба Соли байналмилалии ҳифзи пиряхҳо бо ибтикори Ҳизби Халқии Демократии Тоҷикистон ҳамоиш доир шуд
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
ОГОҲӢ. Дар Тоҷикистон тӯфони чангу ғубори шиддатнок пешгӯӣ мешавад
