Санаи баргузории раъйпурсӣ муайян гардид
![](https://khovar.tj/wp-content/uploads/2016/01/Parlumon.jpg)
Душанбе, 10.02.2016.(АМИТ „Ховар“)-Имрӯз вакилони палатаи поёнии Парлумони Тоҷикистон дар иҷлосияи навбатии Маҷлиси намояндагони Маҷлиси Олии ҶТ санаи баргузории раъйпурсии умумихалқиро дар иртибот ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон, ки бо пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии кишвар сурат гирифтааст, муайян намуданд ва он 22 майи соли 2016 таъйин гардид.
Дар ин хусус вакилони Маҷлиси намояндагон 10 феврал дар иҷлосияи дуюми Маҷлиси намояндагони Маҷлиси Олии ҶТ, даъвати панҷум қарори дахлдор қабул намуданд.