“Вахш” ва “Саройкамар” дар финал

Душанбе, 25.02.2016 (АМИТ «Ховар»). Дирӯз дар минтақаи Хатлон бозиҳои нимниҳоӣ бо ширкати дастаҳои Саройкамар”бо “Коммуна” ва “Вахш” бо “Кӯлоб” барои роҳхат ба бозиҳои ниҳоии Ҷоми ФФТ доир шуданд. Дар вохӯрии “Саройкамар” бо “Коммуна” дар вақти асосӣ ва иловагӣ ҳисоб боз нашуд ва баъди силсилаи зарбаҳои баъдибозӣ бо ҳисоби 4 бар 2 “Саройкамар” ғолиб омад.
Дар бозии дигари рӯз “Вахш” бо натиҷаи минималии 1 бар 0 пирӯз шуд. Ягона голро бозингари дастаи мунтахаби Тоҷикистон Аҳтам Ҳамроқулов, ки алҳол дар ҳайати ин даста бозӣ дорад, ба нишон расонд.
Акнун дар бозӣ барои мақоми аввал рӯзи 26 феврал дар варзишгоҳи Данғара “Вахш” бо “Саройкамар” бо ҳам рақобат мекунанд. Дастае, ки дар он ғолиб меояд, дар бозиҳои ниҳоӣ дар шаҳри Душанбе ба гурӯҳи “А” ва дуюмӣ ба гурӯҳи “Б” шомил хоҳанд шуд.
Бозиҳои ниҳоӣ барои Ҷоми ФФТ дар шаҳри Душанбе аз 1 март шурӯъ мешаванд.