Баҳисобгирии муҳосибӣ омили асосии самаранокии фаъолияти хоҷагидорӣ

Март 14, 2016 16:51

Душанбе, 14.03.2016 (АМИТ «Ховар»). — Имрўз, 14 март дар кафедраи баҳисобгирии бухгалтерӣ, таҳлил ва аудити Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон семинари илмӣ-назариявӣ дар мавзўи «Вазъи баҳисобгирии муҳосибӣ ва аудит дар корхонаҳои истеҳсолӣ»баргузор гардид.
Дар семинар беш аз 50 мутахассис, олимон, унвонҷўёну магистрҳо иштирок намуда, дар мавзӯъҳои гуногун маърузаҳои худро пешниҳод намуданд. Дар семинар вазъи кунунии баҳисобгирии молиявӣ ва аудит дар корхонаҳои истеҳсолӣ, муаммо ва мушкилоти ҷойдошта ва роҳҳои ҳалли онҳо ҳадафи таҳлилу мубоҳиса қарор гирифт.
Ректори донишкада профессор Қодирзода Диловар Баҳридин ҳозиринро бо вазъи кунунии баҳисобгирии муҳосибӣ дар ширкатҳои истеҳсолии Ҷумҳурии Тоҷикистон ва муаммоҳои ҷойдошта шинос намуд. Ҳамчунин мақсади баргузоршавии семинарро баён дошта, иштирокдоронро бо ҷаласаи пленарӣ ошно намуд.
Аз ҷониби даъватшудагон, профессори кафедраи иқтисодиёт ва идораи Донишгоҳи технологии Тоҷикистон Мирзобек Шобеков дар мавзўи «Баъзе аз ҷанбаъҳои такмили тавозуни муҳосибӣ», дотсенти кафедраи таҳлили иқтисодӣ ва аудити Донишгоҳи миллии Тоҷикистон Р.Тоҳирова дар мавзўи «Проблемаҳои ташкили аудит дар корхонаҳои истеҳсолӣ», дотсенти кафедраи баҳисобгирии муҳосибӣ, таҳлил ва аудити ДСХ Б.Каримов дар мавзӯи «Баҳисобгирии грантҳо, маблағгузориҳои мақсаднок ва амволи ройгон гирифташуда» маъруза хонданд.
Дар интиҳои семинари илмӣ-назариявӣ иштирокдорони семинар тасмим гирифтанд, ки аз натиҷаи кори худ барои пешбурди баҳисобгирии мухосибӣ ва аудит дар ширкатҳои истеҳсолии ватанӣ пешниҳоду тавсияҳои муфид таҳия намуда, ба вазорату идораҳои салоҳиятдор ахбор пешниҳод намоянд.

Март 14, 2016 16:51

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад