Баррасии татбиқи лоиҳаҳо дар маҷлиси назоратӣ

Душанбе, 12.03.2016 (АМИТ «Ховар»).- Дар маҷлиси назоратии Кумитаи ҳифзи муҳити зисти назди Ҳукумати Ҷумҳурии Тоҷикистон, ки 10 март баргузор гашт, ҳисоботи амалишавии 2 лоиҳаи экологӣ мавриди баррасӣ қарор дода шуд.
Дар маҷлис ҳисоботи ҳамоҳангсозони лоиҳаҳои «Идоракунии экологии замин ва беҳдошти воситаҳои зиндагӣ дар деҳот» Зафар Маҳмудов ва «Баланд бардоштани иқтидори зеҳнӣ оид ба мутобиқшавӣ ба тағйирёбии иқлим» Фирӯз Саидов шунида шуд. Оид ба дигар паҳлуҳои лоиҳаҳои амалишаванда суолу таклифҳо пешниҳод гардида, аз ҷониби баромадкунандагон ба онҳо ҷавобҳои мушаххас дода шуд.
Аз рӯи масъалаи дигари маҷлис- дар бораи вазъи коргузории кумита зикр шуд, ки назорату таъмини онҳо дар сатҳи зарурӣ ба роҳ монда шудааст, вале ин самти фаъолият аз камбудиҳо холӣ нест.
Бо назардошти баррасии масъалаҳои бамиёнгузошта қарори дахлдор қабул шуд.