“Барселона” – “Атлетико”: Испания афсӯс мехӯрад

Душанбе, 19.03.2016 (АМИТ «Ховар»).- Шаҳри Ниони Швейтсария ҳини қуръакашии бозиҳои ¼ -ии Ҷоми чемпионҳои Аврупо ду топ-клуби Испания-“Барселона” ва “Атлетико”-ро дар муқобили ҳам гузошт. Ҷанлука Замброта, футболбози маъруфи итолиёвӣ, ки бо ширкаташ дар дастаҳои номдори Аврупо ва тими мунтахаби Италия шӯҳратёр шудааст, дар вақти қуракашӣ ҷуфти “Бавария”-“Бенфика”, “Реал”-“Волсфбург” ва ПСЖ-“Манчестер Ситӣ”-ро муайян кард.

Бозиҳои аввал рӯзҳои 5 ва 6 апрел сурат мегиранд. Соли гузашта дар марҳалаи ¼ ниҳоӣ “Атлетико” бо “Реал” ва “Барселона” бо ПСЖ қувва озмуда буданд. Дастаҳои “Манчестер Ситӣ” ва “Волсфбург” дар таърихи худ бори аввал ба  бозиҳои ¼ ниҳоӣ баромадаанд

Дар Лигаи Аврупо дар ¼ финал дастаҳои «Боруссия» –и Олмон бо  «Ливерпул»-и Англия, «Спарта»-и Чехия бо «Вилярреал» ,  «Атлетик» бо «Севиля» ва  «Шахтер»-и Украина бо  «Брага»-и Португалия баъди натиҷаи қуръакашӣ вориди майдон мешаванд. Дар ин бозиҳо низ ду дастаи Испания «Атлетик» бо «Севиля» бо ҳам рӯ ба рӯ мешаванд.

Бозиҳои Лигаи Аврупо рӯзи 7 ва 14 апрел доир мегарданд.