Дар Эрон бар асари суқути чархбол 10 нафар ба ҳалокат расид

Душанбе, 26.03.2016. (АМИТ «Ховар»). Дар ҷануби Эрон чархболи ёрии таъҷилӣ суқут кард, ки дар натиҷа ҳамаи 10 нафари дохили он ба ҳалокат расидаанд. Дар ин бора рӯзи ҷумъа ИРНА хабар дод.
«Дар натиҷаи ин ҳодиса, ки соати 20:30-и вақти маҳаллӣ рух дод, шаш аъзои ҳайати сарнишинон, як ходими тиббӣ ва 3 бемор ҳалок гаштанд», — иттилоъ дод манбаъ.
Иттилоъ дода мешавад, ки чархбол ба шаҳри Шероз парвоз дошт, вале то макони муқарраргардида, ки тақрибан 20 километри дигар монда буд, нарасид.