Хуҷанд: таҷлили Наврӯз бо иштироки зиёиён аз хориҷи кишвар
Хуҷанд. 25.03.2016. (АМИТ Ховар).-Имрӯзҳо дар 22 маҳаллаи маркази Суғд- шаҳри Хуҷанд чорабиниҳои наврӯзӣ идома доранд. Сокинони маҳаллаи «Дӯстии халқҳо»-и шаҳр иди аҷдодиро бо шукӯҳи хосса таҷлил намуданд.
Тавре ки ба хабарнигори АМИТ Ховар масъулин аз дастгоҳи роҳбари шаҳр иттилоъ доданд, дар чорабинии наврӯзии маҳаллаи Дӯстии халқҳо раиси шаҳри Хуҷанд Раҷаббой Аҳмадзода ва ҳайати меҳмонон- иштирокдорони Ҳамоиши адабии ҳавзаи Наврӯз аз ҷумла, олим ва муҳаққиқ аз Ҷумҳурии Исломии Покистон Орифи Навшоҳӣ, профессори Донишгоҳи Давлатии Самарқанд Аслиддин Қамарзода, мудири хазинаи дастхатҳои Институти шарқшиносии шаҳри Тошканд Шоҳниёз Мӯсоев ва Шоири халқии Тоҷикистон Аскар Ҳаким ширкат доштанд.
Сокинони маҳалла меҳмононро бо анъанаҳои меҳмоннавозии тоҷикона гарму самимӣ истиқбол намуда, бо ҳунару истеъдод, риояи суннатҳои наврӯзӣ ва хони идона шинос намуданд. Ҳамчунин бо қувваи бошандагони маҳаллаи номбурда дар растаи наврӯзӣ намунаи маросими наврӯзӣ ва суннатҳои мардуми минтақаҳои кишвар намоиш дода шуд.
Роҳбарияти шаҳр ва меҳмонон кулли мардуми Хуҷанди бостониро бо иди Наврӯз табрик намуда, ба онон ободию сарсабзии диёр ва сарбаландиву шодкомӣ орзу намуданд.
Имрӯз дар шаҳри Душанбе ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
