Истеҳсоли сабзавот дар гармхонаҳо

Душанбе, 09.03.2016 (АМИТ «Ховар»).- Мувофиқи маълумоти Раёсати растанипарварии Вазорати кишоварзии Ҷумҳурии Тоҷикистон то 4-уми марти соли равон дар гармхонаҳои доимӣ дар майдони 63,24 гектар кишти сабзавот гузаронида шудааст.
Аз ҳисоби кишти умумӣ майдони 31,04 гектарро помидор, 15,36 гектарро бодиринг ва 16,84 гектарро дигар сабзавот ташкил медиҳад. То санаи мазкур аз гармхонаҳои доимии ҷумҳурӣ ба миқдори 121,4 тонна помидор, 91,4 тонна бодиринг ва 131,4 тонна дигар сабзавот ҷамъоварӣ шудааст.