Мизи мудаввар бахшида ба Наврӯз

Душанбе, 14.03.2016 ( АМИТ «Хоар»).- Дар Конуни забони тоҷикии Китобхонаи миллии Тоҷикистон бо ташаббуси шуъбаи абонементи байни китобхонаҳо бахшида ба Наврӯзи ҷаҳонӣ мизи мудаввар баргузор гардид. Директори Китобхонаи миллӣ Сайфидлдин Назарзода ҳозиринро бо фарорасии ҷашни Наврӯз муборакбод карда, гуфт, ки ин танҳо як ҷашн нест, ин эҳёи табиат, баҳор ва зиндагии тоза аст.
Мудири кафедраи таърихи Донишгоҳи миллии Тоҷикистон, доктори илмҳои таърих, профессор Қаҳҳори Расулиён дар мавзӯи «Наврӯзи ҷаҳонӣ худ ваҳдати миллист» гуфт: «Наврӯз суннати ниёгон аст, ки ҳама асосҳои ваҳдатро дар худ таҷассум кардааст».
Устоди Донишгоҳи давлатии забонҳои Тоҷикистон Аслиддин Салимов дар мавзӯи «Идеяҳои умумишиносӣ дар «Наврӯзнома»-и Хайём» мърӯза кард. Вай ин шоҳасари бузурги илмиро яке аз аввалин китобҳое номид, ки тақвими дақиқи оламиёнро тартиб додааст.
Ҳозирон ҳамчунин маърӯзаи корманди Академияи илмҳои Тоҷикистон Абдуламин Маҷнуновро бо номи «Пайки Наврӯзӣ» шунида, барои худ ғизои маънавӣ бардоштанд.