Р. Назарзода: Тоҷикистон корвони рўзноманигорони кишварҳои аъзои ИДМ-ро қабул хоҳад кард

Март 16, 2016 16:31

Душанбе, 16.03.2015. (АМИТ «Ховар»). — «Тоҷикистон дорои табиати зебо, обҳои мусаффо, осоишгоҳҳои табобатӣ ва гиёҳҳои шифобахш мебошад. Бинобар ин ба Тоҷикистон ҳамчун кишвари сайёҳӣ хориҷиён ва мардуми кишвар таваҷҷуҳи хоса зоҳир менамоянд. Ҳарчанд имрӯз ин соҳа рушд карда бошад ҳам, вале дар самти ҷалби сайёҳони хориҷӣ корҳои зиёдеро бояд ба сомон расонд»,-гуфт муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ризо Назарзода дар доираи ҷаласаи XXI Шўрои роҳбарони агентиҳои иттилоотии давлатии Иттиҳоди Давлатҳои Мустақил, ки 15 март дар бинои Китобхонаи миллии Тоҷикистон доир гардид.
Ризо Назарзода пешниҳод намуд, ки бо мақсади пайдо намудани маълумоти бештар оид ба равандҳои ҳамгироӣ наворҳои иттилоотӣ -тарғиботии Guidebook (Роҳнамои туристӣ)-и кумита дар сомонаҳои агентиҳои давлатии иттилоотии ИДМ ҷой карда шаванд. Ин як василаи муҳим барои ошноӣ пайдо кардан аз таъриху фарҳанг, расму оин ва дигар имкониятҳои сайёҳии давлатҳои аъзо ба шумор меравад.
Барои боз ҳам беҳтар ошно гардидан бо Тоҷикистон ва имкониятҳои сайёҳии он Ризо Назарзода роҳбарони агентиҳоро ба сайёҳии шиносоӣ даъват намуд. Ин пешниҳодҳо аз ҷониби иштирокдорони ҷаласа хуб пазируфта шуданд.
Ҳамзамон нахустин шуда Тоҷикистон корвони рўзноманигорони кишварҳои аъзои ИДМ-ро қабул менамояд, ки ин иқдом барои муаррифии иқтидори туристии Тоҷикистон ва ҷалби ҳарчи бештари шаҳрвандони кишварҳои аъзои ИДМ ба ҳайси сайёҳ ба Тоҷикистон заминаи мусоид фароҳам меорад.

Март 16, 2016 16:31

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад