Шоҳҷоиза пагоҳ ба соҳибаш мерасад

Душанбе, 03.03.2016 (АМИТ «Ховар») — Тавре ки аз Вазорати корҳои дохилӣ иттилоъ доданд, пагоҳ, 4-уми марти соли 2016, соати 19, дар толори Маҷмааи варзишии Шӯрои ҷумҳуриявии «Динамо»-и Вазорати корҳои дохилӣ маросими пӯшидашавии мусобиқаҳои варзишии кушоди даставӣ дар байни мақомоти ҳифзи ҳуқуқ, сохторҳои қудратӣ, корхонаю идораҳои давлатӣ ва шахсони ҳавасманд оид ба гӯштини миллӣ, футболи хурд, шиноварӣ ва вазнбардорӣ барои дарёфти «Ҷоми вазири корҳои дохилии Ҷумҳурии Тоҷикистон» таҳти шиори «Варзиш — солимии ҷомеа» доир мегардад.
Дар маросими тантанавӣ ба ғолибони мусобиқа Шоҳҷоиза — мошини сабукрав, Ҷом, медал, диплом, Ифтихорнома, Сипоснома ва дигар туҳфаҳои хотиравӣ тақдим мегарданд.
Барои инъикоси чорабинии мазкур намояндагони воситаҳои ахбори омма даъват мешаванд.
Телефонҳо барои тамос: 227-66-50, 223-23-31.