“Суғдиён Помир тур” муҳоҷирони меҳнатиро ба шаҳри Новосибирск сафарбар намуд

Душанбе, 17.03.2015. (АМИТ «Ховар»). — Сафарбаркунии муҳоҷирони меҳнатӣ аз ҷониби субъектҳои хоҷагидор дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд рӯз ба рӯз меафзояд.
Аз ҷумла, 14 марти соли равон ҶДММ “Суғдиён Помир тур” 20 муҳоҷири меҳнатиро ба шаҳри Новосибирски Федератсияи Русия сафарбар намуд, ки онҳо сокинони шаҳру ноҳияҳои ҷумҳурӣ буда, барои 1 сол ба муҳоҷирати меҳнатӣ сафарбар шуданд.
Дар маросими гусел муҳоҷирони меҳнатӣ аз ҷониби кормандони раёсат бо маводи ташвиқотию тарғиботӣ таъмин гардида, бо қоидаҳои муҳоҷирати бехатар шинос шуданд.