Таҷлили ҷашни байналмилалии Наврӯз дар Маскав
Душанбе, 15.03.2016 (АМИТ «Ховар»). — 20-уми марти соли 2016 дар ҳудуди Намоишгоҳи комёбиҳои хоҷагии қишлоқ (ВДНХ) ҷашнвораи умумишаҳрии Маскав «Наврӯз- 2016» баргузор мегардад.
Бино ба иттилои Сафорати Тоҷикистон дар Федератсияи Русия, дар ин чорабинӣ намояндагони намояндагиҳои дипломатии Озарбойҷон, Қазоқистон, Қирғизистон, Туркманистон, Узбекистон, Афғонистон, Ҳиндустон, Эрон, Покистон, Чин ва тоҷикони муқими Русия иштирок хоҳанд кард.
Дар доираи ин ҷашнвора консерт, намоиши санъати амалӣ ва ороишӣ, ҳунарҳои анъанавӣ, намоиши либосҳои миллӣ, чошнигирии хӯрокҳои миллӣ ва мусобиқаҳои варзишии анъанавӣ доир мешаванд.
Бахши тоҷикӣ дар ин ҷашнвора чун анъана бо унсурҳо ва хусусиятҳои ҷашни бостонии Наврӯз пурра хоҳад шуд.
Тантанаҳои ҷашнӣ бо дастгирии Департаменти сиёсати миллӣ, муносибатҳои байниминтақавӣ ва сайёҳии Маскав, иштироки сафоратхонаҳои хориҷӣ дар Федератсияи Русия ва иттиҳодияҳои ҷамъиятии миллии Маскав баргузор мегарданд.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
