ВАО: Полиси Индонезия шабакаи террористии марбут ба ДИ-ро ошкор кард

Душанбе, 15.03.2016. (АМИТ «Ховар»).- Полиси Индонезия дар музофоти Суматраи Шимолӣ шабакаи террористиеро ошкор кард, ки эҳтимолан ба гурӯҳи ифротгарои «Давлати исломӣ» марбут аст. Дар ин бора ТАСС иттилоъ медиҳад.
Ҳоло мақомоти қудратии маҳаллӣ сарвари ҷангиёнро, ки худро «Абу Суматра» ном мебарад, ҷустуҷӯ доранд.
Тавре ки манбаъ иттилоъ медиҳад, маълумот дар бораи мавҷудияти гурӯҳи террористӣ пас аз боздошти гумонбарон ба полис дастрас шудааст.
Ҳамчунин кормандони мақомоти ҳифзи ҳуқуқ тавонистаанд дар шабакаҳои иҷтимоӣ зергурӯҳҳоеро ошкор кунанд, ки маълумоти заруриро дороянд.
Боздошти гумонбарон дар робита ба амалҳои террористии моҳи январ дар маркази Ҷакарта, ки бар асари онҳо 4 нафар ҳалок шуд, сурат гирифтааст.