Задухӯрди мусаллаҳона ва пешгирии интиқоли ғайриқонунии маводи мухаддир дар сарҳади давлатӣ
Душанбе, 10.03.2016.(АМИТ Ховар).-9 марти соли равон соати 23:20-и шаб дар асоси маълумоти фаврӣ наряди сарҳадӣ бо гурӯҳи фаврии қӯшунҳои сарҳадӣ дар вилояти Хатлон дар яке аз минтақаи дидбонгоҳи сарҳадии Отряди сарҳадии «Ҳамадонӣ» дар қитъаи сарҳади Тоҷикистону Афғонистон убури ғайриқонунӣ ва интиқоли маводи мухаддиро пешгирӣ карданд.
Ҳангоми гузаронидани амалиёт, гурӯҳи мусаллаҳи қочоқчиёни номаълуми афғон иборат аз 6-7 нафар дар вақти убури ғайриқонунии марзи давлатӣ бо сарҳадбонони тоҷик рӯ ба рӯ мешаванд. Ба амри сарҳадбонони тоҷик қочоқчиён итоат накарданд, ки байни сарҳадбонон ва қочоқбарони мусаллаҳи афғон задухӯрди мусаллаҳона ба вуқӯъ меояд.
Сарҳадбонони тоҷик муқовимати шадид нишон доданд, ки дар натиҷаи он ду нафар аз қочоқчиён захмдор шуда, як нафари онҳо безарар гардонида шуд. Боқимонда аз торикии шаб истифода бурда, аз тариқи қамишзор ақибнишинӣ намуда, ба тарафи Афғонистон фирор намуданд.
Ҳангоми азназаргузаронии ҷои ҳодиса тақрибан 50 кг маводи мухаддири ҳашиш, як яроқи оташфишони АК-қутраш 12 мм бо 1 тирдони тирҳояш истеҳсоли хориҷӣ мусодира шуда, як ҷасади қочоқчии афғони тақрибан 30-сола дарёфт гардид. Муайян карда шуд, ки қочоқчиён аз Ҳазрати бӯстон ва Лоламайдони дарқади вилояти Тахори Ҷумҳурии Исломии Афғонистон мебошанд.
Ҳоло нисбат ба ин ҳодиса аз тарафи кормандони РКДАМ ҶТ дар вилояти Хатлон тафтиш идома дорад.
Дар ин бора Муҳаммад Улуғхоҷаев, сардори Маркази матбуоти Сарраёсати қӯшунҳои сарҳадии КДАМ ҶТ хабар дод.
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
