“Зан оинаи зиндагӣ ва чароғи рӯзгор”-ҳамоиши идона

Душанбе, 03.03.2016 (АМИТ «Ховар»). — Бо ташаббуси шуъбаи тарғиб ва баргузории чорабиниҳои фарҳангии Китобхонаи миллии Тоҷикистон 4 -уми марти соли равон соати 14: 00 дар толори “Ошёни булбулон” чорабинии идона бахшида ба Рӯзи Модар таҳти унвони “Зан оинаи зиндагӣ ва чароғи рӯзгор”доир мегардад.
Дар назар аст, ки дар чорабинии мазкур директори Китобхонаи миллии Тоҷикистон, профессор Сайфиддин Назарзода ва раиси Кумитаи иҷроияи Ҳизби халқии демократии Тоҷикистон дар ноҳияи Исмоили Сомонии шаҳри Душанбе Умриниссо Казакова иштирок ва суханронӣ намоянд.
Дар назар аст, ки дар чорабинӣ хонандагони Гимназияи № 2 барои хонандагони болаёқати шаҳри Душанбе ва хонандагони Гимназияи хусусии Тоҷикистон порчаҳои шеърӣ дар васфи Модар ва Наврӯзи оламафрӯз қироат кунанд.
Ҳамзамон дар чорабинии мазкур иштироки беш аз 100 корманди Китобхонаи миллии Тоҷикистон пешбинӣ шудааст.