130 рӯзи омодагии Душанбе ба ҷашни Истиқлолияти давлатӣ
Душанбе, 29.04.2016/ АМИТ «Ховар»/. Даршаҳри Душанбе ба истиқболи ҷашни 25-солагии Истиқлолияти давлатии Ҷумҳурии Тоҷикистон 130 рӯзи омодагӣ ба ин санаи муҳиму фархундаи таърихӣ эълон карда шуд.
Тибқи он бо мақсади таъмини омодагии ҳамаҷониба барои таҷлили сазовору пуршукӯҳи ҷашни 25-солагии Истиқлолияти давлатии Ҷумҳурии Тоҷикистон дар шаҳри Душанбе тамоми нерую имконияти мақомоти иҷроияи ҳокимияти давлатӣ ва худфаъолияти ҷамъиятӣ, сохторҳои мухталиф ва дигар бахшҳои идора, дар маҷмӯъ, аҳли ҷамоати пойтахт ба корҳои ободонию бунёдкорӣ ва беҳдошти ҳолати экологию тозагии ҳар як шаҳраку маҳалла ва дар маҷмӯъ, пойтахт сафарбар карда мешавад.
Дар асоси ин қарор нақшаи кории муовинони раиси шаҳр тасдиқ шуда, ба онҳо ҳар як ноҳияи пойтахт вобаста гардидааст. Дар ин росто муовинони раиси шаҳр аз натиҷаи корҳои омодагӣ ва ҷараёни татбиқи онҳо рӯзҳои душанбеи ҳафтаи дуюм ва чоруми ҳар моҳ дар ҷаласаҳои назоратии назди раиси шаҳр дар радифи дигар роҳбарони сохторҳои пойтахт ҳисобот медиҳанд. Ҳамзамон барои самаранок истифода намудани вақти корӣ дар давраи 130 рӯзи омодагӣ ба ҷашни Истиқлолияти давлатӣ баргузории ҳама гуна ҷаласаҳо дар назди муовинони раиси шаҳр, раисони ноҳияҳои пойтахт ва сохторҳои шаҳрӣ қатъиян манъ мегардад.
Аз ин рӯ, муовинони раиси шаҳр ва раисони ноҳияҳои пойтахт танҳо рӯзи шанбе аз соати 8:00 то 12:00 шаҳрвандонро қабул намуда, рӯзи душанбе дар идора ба баррасии ҳуҷҷатҳои хизматӣ машғул мешаванд. 130 рӯзи омодагӣ ба ҷашни 25-солагии Истиқлолияти давлатии Ҷумҳурии Тоҷикистон дар пойтахт аз 26 апрел оғоз гардида, то 3 сентябри соли равон идома меёбад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
