Баҳси мубориза бар зидди таҳдидҳои ҷаҳонӣ дар ҷаласаи XI Форуми СҲШ дар Душанбе
Душанбе, 27.04.2016 /АМИТ «Ховар/. 28-29 апрели соли равон дар Китобхонаи миллии Тоҷикистон Ҷаласаи XI Форуми Созмони ҳамкории Шанхай (СҲШ) баргузор мегардад.
Сайфулло Сафаров, муовини аввали директори Маркази тадқиқоти стратегии назди Президенти Ҷумҳурии Тоҷикистон дар суҳбат бо хабарнигори АМИТ «Ховар» иброз намуд, ки: «Пеш аз ҳама, бояд таъкид намоям, ки ин Форуми сохтори илмии СҲШ мебошад ва дар он марказҳои таҳлилии кишварҳои СҲШ ҷамъ омада, масоили доғи рӯзро баррасӣ менамоянд. Чунин форум ҳамасола дар яке аз кишварҳои узви СҲШ баргузор мегардад. Дар форуми навбатӣ, ки дар Душанбе баргузор мегардад, масъалаҳои мубориза ба муқобили таҳдидҳои ҷаҳонии терроризм ва экстремизм ё ифротгароии динӣ, омилҳое ки ба ин ҷараёни манфии ҷомеа таъсиргузор ҳастанд, баробари ин боз дигар масъалаҳои ҳамкории кишварҳои аъзо, нозир ва шарикони муколима низ мавриди баҳс қарор мегиранд».
Ба гуфтаи С. Сафаров мубориза ба муқобили терроризм ва экстремизм дар байни ҷавонон, ҳамкории иқтисодӣ дар доираи СҲШ, вазъият ва дурнамои ин ҳамкорӣ, СҲШ ва масъалаҳои оқилона итифода бурдани обу энергетика ва коммуникатсия дар кишварҳои СҲШ аз масоили муҳими ин форум маҳсуб мешаванд.
«Яке аз масъалаҳои дигар — васеъ шудани Созмон аст, ки ин хеле масъалаи ҷиддӣ мебошад, зеро ҳоло вазъият чунин шудааст, ки Покистону Ҳиндустону Эрон ба узвияти ин созмон бояд қабул карда шаванд. Дар доираи ҷаласа Форуми ҷавонони СҲШ доир мегардад, ки дар он масъалаҳои дурнамои Форуми ҷавонони СҲШ ва ҳамкории байни созмонҳои ҷавонон ва ҳамкории иттилоотӣ дар доираи кишварҳои узв, нозир ва шарикони муколама баҳс хоҳанд шуд», -илова намуд муовини аввали директори Маркази тадқиқоти стратегии назди Президенти Ҷумҳурии Тоҷикистон.
Дар кори ҳамоиши байналмилалӣ намояндагони давлатҳои узви Созмони ҳамкории Шанхай, кишварҳои нозир, шарикони муколама ва созмонҳои даъватшуда, аз қабили Котиботи Созмони ҳамкории Шанхай, Кумитаи иҷроияи сохтори зиддитеррористии минтақавии СҲШ ширкат меварзанд.
Мавҷуда Анварӣ
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
