Бозии дӯстонаи «Истиқлол» ва тими «ВМКБ» дар Хоруғ

Хоруғ, 7.04.2016. /АМИТ «Ховар»/. Мақомоти иҷроияи ҳокимияти давлатии Вилояти Мухтори Кӯҳистони Бадахшон бо ихтисос додани 70 ҳазор сомонӣ аз буҷаи маҳалӣ ба Раёсати ҷавонон, варзиш ва сайёҳии вилоят дастур дод, ки дар зудтарин фурсат майдони футболи варзишгоҳи марказӣ ва нишастгоҳи онро таъмиру таҷдид намуда, ба бозии дӯстонаи тими «Истиқлол» ва дастаи мунтахаби «ВМКБ» омода намоянд.
Дар назар аст, ки футболбозони дастаи мунтахаби кишвар 18 апрел зимни як дидору гуфтугӯ бо мухлисони худ ҳамчунин бо тими мунтахаби вилоят бозии дӯстона баргузор мекунанд. Ин ва дигар чорабиниҳои варзишӣ мутобиқи нақшаи омодагӣ ба ҷашни Ваҳдати миллӣ аз нимаи дуввуми моҳи апрел оғоз мегарданд ва то нимаи дуюми моҳи июн идома меёбанд.
Ёдовар мешавем, ки ин ду даста бори дуюм аст, ки бо ҳам рақобат мекунанд. Дар вохӯрии гузашта дастаи «Истиқлол» бо ҳисоби 3 бар 0 тими «ВМКБ»- ро шикаст дода буд.