Дар КМО масъалаҳои рушди бадминтон дар Тоҷикистон баррасӣ шуданд

Апрель 8, 2016 15:03

Душанбе, 8.04.2016 /АМИТ «Ховар»/. Котиби генералии Кумитаи миллии олимпии (КМО) Тоҷикистон Баҳрулло Раҷабалиев бо мураббии байналмилалӣ, масъули рушди Ташкилоти «Бадминтони Осиё» Сэмбэтан Сиваперумал мулоқот анҷом дод.
Тавре аз Хадамоти матбуотии Кумитаи миллии олимпии Тоҷикистон хабар доданд, дар ҷараёни мулоқот масъалаҳои рушди бадминтон дар Тоҷикистон баррасӣ шуданд. Зикр гардид, ки дар доираи Барномаи «Вақти волан»-и Ташкилоти «Бадминтони Осиё» барои солҳои 2015-2018 ҳамасола ба Федератсияи бадминтони Тоҷикистон лавозимоти варзишӣ, аз қабили ракетка, волан ва тӯри бадминтон ройгон ҷудо карда мешавад.
Бояд гуфт, ки ду сол инҷониб, яъне 8-20 сентябри соли 2015 ва аз 20 март то 8 апрели соли 2016 дар доираи Барномаи «Вақти волан» давраҳои омӯзишӣ бо иштироки Сэмбэтан Сиваперумал, мураббии байналмилалӣ, масъули рушди Ташкилоти «Бадминтони Осиё», дар шаҳру ноҳияҳои Душанбе, Хуҷанд, Бохтар, Рашт ва Ҳисор баргузор гардида, дар маҷмӯъ зиёда аз ҳазор ширкаткунанда, аз он ҷумла мураббиён, муаллимони фанни тарбияи ҷисмонӣ, варзишгарон, донишҷӯён ва хонандагон фаро гирифта шуданд.
Баъди анҷоми давраҳои омӯзишӣ ба ҳамаи ташкилоту муассисаҳои дар чорабинӣ ширкатварзида барои таъсиси клуб, гурӯҳ ё маҳфилҳои варзишии бадминтон, миқдори муайяни лавозимоти варзишӣ ҷудо карда шуд.
Омӯзиши рафти истифодаи лавозимоти ҷудогардида нишон дод, ки то имрӯз дар як қатор муассисаҳои таҳсилоти ҳамагонии шаҳру ноҳияҳо гурӯҳҳо ва маҳфилҳои бадминтон таъсис дода шудаанд.
«Аз таҳлилу омўзиши ҷараёни инкишофи бадминтон дар шаҳру ноҳияҳо маълум гардид, ки раванди ҷалби наврасону ҷавонон ба ин намуди олимпии варзиш дар сатҳи зарурӣ ба роҳ монда нашудааст. Ин пеш аз ҳама ба якчанд омилҳо, аз ҷумла надоштани донишу малака оид ба бадминтон ва нарасидани лавозимоти варзишӣ вобастагӣ дорад. Бинобар ин барои дар сатҳи баланд ба роҳ мондани раванди инкишофи ин намуди варзиш Федератсияи бадминтони Тоҷикистон муносибатҳои судмандро бо Федератсияи байналмилалии бадминтон ва Конфедератсияи осиёгии бадминтон густариш дода, аз имконият ва захираҳои барномавии ин ташкилотҳо истифода менамояд”, — хабар медиҳад сомонаи расмии Кумитаи миллии олимпии Тоҷикистон.

Апрель 8, 2016 15:03

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад