Дар Лахш бо ҷонибдорӣ аз тағйиру иловаҳо ба Конститутсия ҳамоиши ҷавонон доир гардид

Лахш, 27.04.2016 /АМИТ «Ховар»/. Бо ташаббуси Иттифоқи ҷавонони Тоҷикистон ва бахши ҷавонон, варзиш ва сайёҳии мақомоти иҷроияи ҳокимияти давлатии ноҳияи Лахш дар маркази ноҳия бо иштироки зиёда аз 500 нафар ҷавонон барои ҷонибдорӣ аз тағйиру иловаҳо ба Конститутсияи (Сарқонуни) Ҷумҳурии Тоҷикистон  ҳамоиши тантанавӣ баргузор гардид.
Дар он ҷавононе, ки бори аввал дар раъйпурсии умумихалқӣ иштирок менамоянд, ҷонибдории хешро аз тағйиру иловаҳо ба Конститутсия баён намуданд. Ҳамоиши мазкур бо хондани шеъру сурудҳо дар мавзӯи Ватан, модар, сулҳу ваҳдат ва оромии кишвар аз ҷониби ҷавонон ба охир расид.